काठमाडौं । नेदरल्यान्डमा भएको 'लिबरेसन कन्सर्ट'मा नेपाली विद्यार्थी परिधि भण्डारीले प्रस्तुति दिनु भएको छ ।
दोस्रो विश्व युद्धमा ज्यान गुमाएकाहरूको सम्झनामा आयोजना हुने उक्त कन्सर्टमा नेपालकी परिधिले कविता वाचनसहितको प्रस्तुति दिनु भएको हो । मार्ग्रातेन क्षेत्रमा भएको उक्त कार्यक्रममा डच प्रधानमन्त्रीसहित ४ हजारको हाराहारीमा प्रतिष्ठित व्यक्तिकहरू उपस्थित थिए ।
परिधिलाई उहाँ अध्ययन गर्ने युनाइटेड वल्र्ड कलेज (यूडब्लूसी)को तर्फबाट प्रस्ततिको मौका दिइएको हो । परिधिले ‘ह्विस्पर्स फ्रम मार्ग्राटेन ग्राउन्ड ’ अर्थात् ‘ मार्ग्रातेन मैदानबाट साउती’ शीर्षकको आफ्नै कविता वाचन गर्नु भएको हो ।
उक्त कन्सर्ट अमेरिकी टीभीमा समेत प्रत्यक्ष प्रसारण गरिएको थियो । कन्सर्ट आयोजना हुने गरेको उक्त स्थानमा १० हजार अमेरिकी सैनिकका चिहान छन् ।
