काठमाडौं । संवैधानिक परिषद्को आज बसेको बैठकले प्रधानन्यायाधीशको नाम सिफारिस गर्न सकेन । बैठकमा न्याय परिषद्ले प्रधानन्यायाधीश बन्न योग्य ८ जनाको नाम पठाएकोमा तिनै नाममा सामान्य छलफल मात्र भयो ।
प्रधानमन्त्री निवास बालुवाटारमा बसेको संवैधानिक परिषद् बैठकले सर्वोच्च ३२ औं प्रधानन्यायाधीशको नाम सिफारिस गर्ने भने पनि गर्न नसकेको हो ।
बैठकमा प्रधानमन्त्री केपी शर्मा ओलीले सर्वोच्च अदालतका वरिष्ठतम् न्यायाधीश प्रकाशमान सिंह राउतको नाममा छलफल गर्न प्रस्ताव गर्नुभएको थियो । तर आजको बैठकमा अन्य योग्य न्यायाधीशका बारेमा पनि सामान्य छलफल गरेर बैठक ३१ गतेसम्म स्थगित गरिएको राष्ट्रिय सभाका अध्यक्ष नारायणप्रसाद दाहालले जानकारी दिनुभयो ।