गोरखा । तनहुँको आँबुखैरेनीमा भएको बस दुर्घटनामा परी ज्यान गुमाउनेको संख्या २७ पुगेको छ ।
पोखराबाट काठमाडौं आउँदै गरेको बस आज बिहान आँबुखैरेनी नजिकै मर्स्याङ्दी नदीमा खसेको थियो । दुर्घटनामा घाइते बनेका १६ जनामध्ये १२ जनालाई नेपाली सेनाको हेलीकोप्टरबाट पहिले काठमाडौं ल्याइएको थियो भने आँबुखैरेनीकै स्थानीय अस्पतालमा उपचाररत अन्य ४ जनालाई पनि थप उपचारका लागि काठमाडौं ल्याइएको छ । अहिले उनीहरुको उपचार काठमाडौंको त्रिवि शिक्षण अस्पतालमा भइरहेको छ ।
पोखराबाट काठमाडौं आउँदै गरेको यूपी ५३ एफटी ७६२३ नम्बरको भारतीय बस आँबुखैरेनी- २ ऐनापहराबाट आज मर्स्याङ्दीमा खसेको थियो । उक्त बसमा ४१ जना यात्रु, एक चालक र एक सहचालक गरी ४३ जना रहेको प्रहरीले जनाएको छ ।
यो पनि हेर्नुहोस् :-
