बाग्लुङ । पहिरोमा पुरिएर बागलुङमा ८ जनाको मृत्यु भएको छ । पहिरोले बडिगाड गाउँपालिका- १० मा ६ जना र बडिगाड गाउँपालिका–९ मा २ जनाको मृत्यु भएको सहायक प्रमुख जिल्ला अधिकारी चित्राङ्गत बरालले जानकारी दिनु भयो ।
पहिरोमा परी मृत्यु हुनेमा बडिगाड गाउँपालिका-१० का ७ वर्षीया मालती बुढा, मधु बुढा, १३ वर्षका मनोज बुढा, अमन बुढा, मैतीदेवी विक र एक ६ वर्षीया बालिका रहेका छन् । त्यसैगरी बडिगाड गाउँपालिका-९ मा पहिरोमा परी १५ वर्षका विधान परियार र २४ वर्षका गंगा बस्नेतको मृत्यु भएको सहायक प्रजिअ बरालले बताउनु भयो ।
पहिरोमा पुरिएका घरबाट चार जनाको जिवितै उद्धार गरिएको छ । घाइते अवस्थामा उद्धार गरिएकामध्ये दुई जनाको अवस्था समान्य र दुईजनाको अवस्था गम्भीर छ ।
