चितवन । नारायणगढ बजार नजिक नारायणी नदी किनारमा आइतबार बिहान एक व्यक्तिलाई आक्रमण गरेर झाडीमा लुकेको बाघलाई झन्डै १५ घण्टापछि नियन्त्रणमा लिइएको छ ।
चितवन राष्ट्रिय निकुञ्जका पशु चिकित्सक र हात्तीसहित राष्ट्रिय प्रकृति संरक्षण कोष सौराहाको प्राविधिक टोलीले डार्ट गरेर बाघलाई नियन्त्रणमा लिइएको हो ।
उक्त बाघ २.७७ मिटर लामो भाले बाघ रहेको चितवन प्रहरीले जनाएको छ । आज बिहान मर्निङ वाकको क्रममा एक जनालाई आक्रमण गरेपछि बाघलाई दिउसोदेखि नियन्त्रणको प्रयास गरिएको थियो ।
