काठमाडौं । बचतकर्ताको रकम ठगी आरोपमा प्रहरीले ललितपुरस्थित कृषि विकास बहुउद्देश्यीय सहकारीका अध्यक्षसहित चार जनालाई पक्राउ गरेको छ ।
उपत्यका अपराध अनुसन्धान कार्यालयले सहकारीको ९४ करोड ठगी गरेको आरोपमा अध्यक्ष तेजविक्रम थापासहित चार जनालाई नियन्त्रणमा लिएको हो । पक्राउ पर्नेमा थापासहित सहकारीका व्यवस्थापक सजना राजकर्णिकार, सदस्यहरु भीमसेन महर्जन र सञ्जय सापकोटा छन् ।
२०६० सालदेखि सहकारीको अध्यक्ष रहँदै आएका थापा भक्तपुरस्थित समिट अस्पताल, अन्नपूर्ण किसान उद्योग, कृषि टेलिभिजन, गोर्खा टेलिभिजनलगायत संस्थाका अध्यक्षसमेत हुन् । उनले दुई अर्ब निक्षप संकलन भएको सहकारीबाट ९४ करोड रुपैयाँ हिनामिना गरेको पीडितहरुको उजुरीका आधारमा पक्राउ गरिएको उपत्यका अपराध अनुसन्धान कार्यालय प्रमुख सानुराम भट्टराईले जनाउनुभयो ।
सहकारीको रकम अपचलन गरेर निजी कम्पनीमा लगानी गरेर उनीहरुले बचतकर्तालाई फिर्ता गरेका छैनन् । २५ सयभन्दा बढी बचतकर्ता रहेको कृषि विकास बहुउद्देश्यीय सहकारीका ५६६ जनाले मात्रै जाहेरी दिएका छन् ।
.png&w=350&height=150)
