काठमाडौं । सहकारीको रकम अपचलनसम्बन्धी संसदीय छानबिन समितिको कार्यादेश बनाउन गठित कार्यदलको बैठक आज दिउँसो ३ बजे बस्दैछ । पटक-पटक कार्यदलमा समितिको क्षेत्राधिकारका बारेमा छलफल भएपनि सहमति जुट्न सकेको छैन ।
हिजो बसेको कार्यदलको बैठकमा गृहमन्त्री रवि लामिछानेको नाम प्रस्तावनामा भए पनि राख्ने र उहाँ मुछिएका सहकारीको नामै तोक्ने गरी सहमति खोज्ने विषयमा सत्ता पक्ष र प्रतिपक्षबीच सहमति नजिक पुगेको बताइएको छ । तर त्यसबारे गृहमन्त्री लामिछानेसँग कुरा गर्न रास्वपाले समय मागेपछि हिजो सहमति जुट्न सकेन ।
सिंहदरबारमा आज अपरान्ह तीन बजे बस्ने कार्यदलको बैठकमा सहमति जुटाउने गरी छलफल गरिने बताइएको छ । हिजो सत्ता पक्षले छानबिन नहुँदै व्यक्तिको नाम किटान गर्न नसकिने अडान दोहोर्याएपछि नेपाली कांग्रेसले नयाँ प्रस्ताव राखेको हो । गृहमन्त्रीको नाम प्रस्तावना राखेर उहाँ जोडिएका सहकारीको किटान गर्नुपर्ने कांग्रेसको भनाइ छ ।
.png&w=400&height=300)
