अर्घाखाँची । अर्घाखाँची जिल्लाको भुमिकास्थान नगरपालिका ढाकावाङ्गको थापाडाँडामा जिप दुर्घटना भएको छ । शनिबार बिहानै भएको जिप दुर्घटनामा २ जनाको मृत्यु भएको छ ।
लु १ ज १६७९ नम्बरको जिप दुर्घटना हुँदा दुई जनाको घटना स्थलमै मृत्यु भएको हो ।
मृत्यु हुनेमा अन्दाजी वर्ष ३५ का भुमिकास्थान-२ का डेवा बेल्वासे र सन्धिखर्क-८ का अन्दाजी ४७ वर्षका डेमकला आचार्यको मृत्यु भएको वडा सदस्य नारायण खनालले जानकारी दिए ।
ओरालोमा गाडी राखेको र ओट नलगाएका कारण दुर्घटना भएको स्थानीयको अनुमान छ ।
