काठमाडौं । सामाजिक सञ्जाल टिकटकमा प्रयोगकर्ताले राखेका सामग्रीले समस्या सिर्जना गरेको भन्दै चालु आर्थिक वर्षभित्रै प्रहरीमा ७ सय ६० वटा उजुरी परेका छन् ।
केन्द्रीय अनुसन्धान ब्युरोमा मात्रै ४ सय ६४ उजुरी परेका छन् । त्यस्तै विभिन्न प्रदेशमा २ सय ९६ वटा उजुरी दर्ता भएको ब्युरोले जनाएको छ । अधिकांश उजुरीमा व्यक्तिगत जीवनमा असर पर्ने गरी अरूलाई होच्याउने तथा सामाजिक सद्भाव बिथोल्ने सामग्री पोस्ट गरिएको उल्लेख छ ।
त्यसो त नेपाल प्रहरीको तथ्यांकअनुसार साइबर ब्युरोमा पर्ने अधिकांश उजुरी सामाजिक सञ्जालको दुरुपयोगसँग सम्बन्धित छन् ।
नेपालमा विभिन्न ११ वटा सामाजिक सञ्जाल कर प्रणालीमा दर्ता छन् । सामाजिक सञ्जालमा गरिने पोस्ट सरकारले नियमन गर्न सकेको छैन ।
सम्बन्धित समाचार...
