काठमाडौं । बडादशैंको आठौं दिन आज महाअष्टमी । देशभरका शक्तिपीठहरुमा माता दुर्गा भवानीको पूजा-आराधाना गरी महाअष्टमी मनाइँदै छ ।
आजका दिन विभिन्न शक्तिपिठमा बलिसहित पूजाअर्चना गर्ने चलन छ । उपत्यकाभित्र दक्षिणकाली, गुहेश्वरी, मैतीदेवी, कालिकास्थान, भद्रकालीलगायत मन्दिरमा बलि चढाउने र पूजा आराधना गर्नेहरको भिड लाग्ने गर्छ ।
त्यसैगरी राजधानी बाहिर गोरखाको मनकामना, काभ्रेको पलाञ्चोक भगगवती, जनकपुरको राजदेवीलगायत मन्दिरमा भगवतीको पूजा गरिन्छ । आजैका दिन फलामबाट बनाइएका हातहतियार र सवारीसाधनलाई बलिसहित पूजा आरधाना गर्ने चलनसमेत छ । पशुबलि नचढाउनेहरु घिरौंला, कुभिन्डो आदिलाई बलि दिने गर्छन् । महाअष्टमीका दिन राति हनुमानढोकाको दसैंघरमा राज्यका तर्फबाट ५४ बोका र ५४ राागाको बलिसहित कालरात्रि पूजा गरिन्छ ।
हेरौं काठमाडौंको नक्सालमा रहेको भगवतीबहाल वरपरका थप दृष्य :
