काठमाडौं । नाइजेरियामा इन्धन भरिएको ट्यांकर पल्टिएपछि तेल उठाउन गएका ९४ जनाको जलेर मृत्यु भएको छ ।
नाइजेरियाको उत्तरी राज्य जिगावाको मजिया सहरमा स्थानीय समय अनुसार राति साढे ११ बजे यो घटना भएको हो ।
दुर्घटनामा ९४ जनाको ज्यान गएको र ५० जना घाइते भएको अन्तर्राष्ट्रिय सञ्चारमाध्यमले जनाएका छन् । प्रहरीले ट्यांकर पल्टिएको स्थानमा नजान भने पनि अनियन्त्रित भिड तेल संकलन गर्न पुगेको थियो ।