काठमाडौं । साफ महिला च्याम्पियसिपमा सहभागी नेपाली टोलीलाई युनिलिभर नेपाल लिमिटेडले ट्राभल किट्स हस्तान्तरण गरेको छ । युनिलिभर महिला विश्वकपको पनि प्रायोजक हो ।
सातदोबाटोस्थित एन्फा कम्प्लेक्समा आज गरिएको कार्यक्रममा युनिलिभर नेपालका सौरभ कारञ्जित र कन्ट्री हेड सानिस्था भटियाले राष्ट्रिय महिला फुटबल टोलीलाई किट्स हस्तान्तरण गरेका हुन् ।
युनिलिभर नेपालले गत वर्षदेखि महिला टोलीलाई प्रायोजन गर्दै आएको छ । अखिल नेपाल फुटबल संघ एन्फाका अध्यक्ष पंकजविक्रम नेम्वाङले, यो पटक उत्कृष्ट टोली रहेकाले उपाधी घरमै राख्ने विश्वास व्यक्त गरे । उनले आगामी दिनमा पनि युनिलिभर नेपालको सहयोग निरन्तर रहने अपेक्षा गरे ।
एन्फाले साफ च्याम्पियनसिपको गेट कलेक्सनबाट प्राप्त रकमको २० प्रतिशत महिला खेलाडीलाई दिने जानकारी पनि दिएको छ । एन्फाले टिकट बिक्रीको अधिकार ८० लाख रुपैयाँमा बिक्री गरिसकेको छ । जसअनुसार महिला खेलाडीले १६ लाख प्राप्त गर्ने निश्चित छ ।
