काठमाडौं । भारतको आम आदमी पार्टीकी नेतृ आतिशी मार्लेनाले आज दिल्लीको मुख्यमन्त्रीको रुपमा पद तथा गोपनीयताको शपथ लिँदै हुनुहुन्छ ।
मुख्यमन्त्री अरविन्द केजरीवालले राजीनामा दिएपछि आतिशीले दिल्लीको नयाँ मुख्यमन्त्रीको रुपमा शपथ लिन लाग्नुभएको हो । उहाँ दिल्लीको तेस्रो महिला मुख्यमन्त्री बन्नुहुने छ ।
आतिशीको शपथ ग्रहण कार्यक्रम राजनिवासमा हुने छ । त्यसका लागि सम्पूर्ण तयारी पूरा भइसकेको भारतीय सञ्चारमाध्यमले जनाएका छन् । उहाँले स्थानीय समयअनुसार साढे चार बजे शपथ लिने कार्यक्रम छ ।
राष्ट्रपति द्रौपदी मुर्मूले आतिशीलाई मुख्यमन्त्रीमा नियुक्त गर्नुभएको हो ।
साथै राष्ट्रपतिले आतिशीलाई नयाँ सरकार गठन गर्नसमेत अनुमति दिनुभएको छ । आतिशीसँगै पाँच मन्त्रीले शपथ लिने तयारी छ ।
