नयाँ दिल्ली । भारतीय राष्ट्रिय काङ्ग्रेसका नेता एवं पूर्व क्रिकेटर नवजोतसिंह सिद्धू शनिबार जेल मुक्त भएका छन् । १० महिनाको कारागार बासाइपछि उनी जेलमुक्त भएका हुन् ।
सन् १९८८ मा सडकमा पार्किङका सन्दर्भमा भएको विवाद र झडपको घटनाका कारण उनी जेल परेका थिए । झडपमा चोट लागेका गुरनाम सिंहको निधन भएको थियो । त्यही मुद्दामा गतवर्ष भारतको सुप्रिम कोर्टले सिद्धूलाई एक वर्ष जेल र एक हजार जरीवानाको सजाय सुनाएको थियो ।
सुरुमा जिल्ला अदालतले सिद्धू निर्दोष रहेको बताए पनि गत वर्षको मे १९ मा सुप्रिम कोटले सुनाएको फैसलापछि उनी जेल गएका थिए । जेल भित्र राम्रो व्यवहार गरेका कारण सिद्धू दुई महिना अगाडि नै रिहा भएका हुन् ।
