रुकुमपूर्व । लुम्बिनी प्रदेशका मुख्यमन्त्री चेतनारायण आचार्यले रुकुमपूर्वको सदरमुकाम रुकुमकोटमा निर्माण गरिएको जिल्ला अस्पतालको उद्घाटन गर्नुभएको छ ।
सिस्ने गाउँपालिका-५ मा अवस्थित ५० शैयाको अस्पताल भवन २०७८ सालमा सुरु भई गत पुसमा निर्माण सम्पन्न भएको थियो । संघीयतापछि रुकुमपूर्व छुट्टै जिल्ला बनेपछि २०७४ यता साविकको इलाका स्वास्थ्य कार्यालयको भवनबाटै जिल्ला अस्पतालको सेवा सञ्चालन भैरहेको थियो ।
भौतिक एवं प्राविधिक जनशक्ति अभावका कारण नयाँ भवन ५० शैया क्षमताको बने पनि अहिले ३५ शैयासम्मको मात्र सेवा दिन सकिने अस्पताल प्रमुख डा. कृष्ण खरालले बताउनुभयो । उहाँले अझै पनि अस्पतालमा उपचारका लागि आवश्यक उपकरण र दक्ष जनशक्ति भने अपुग नै रहेको बताउनुभयो ।
औपचारिक उद्घाटन आइतबार गरिए पनि २ साता अघिदेखि नै सेवा सञ्चालनमा आइसकेको अस्पतालले बताएको छ ।
.png&w=350&height=150)
