काठमाडौं । काठमाडौं विश्वविद्यालय धुलिखेल अस्पतालले माइलस्टोन कार्यक्रमको रूपमा काभ्रे भन्ज्याङमा अस्पताल सञ्चालन गर्ने भएको छ ।
ग्रामिण दुरदराजका जनतालाई स्वास्थ्य सेवा उपलब्ध गराउने उदेश्यले धुलिखेल नगरपालिकासँगको सहर्कायमा विश्वविद्यालयले अस्पताल सञ्चालन गर्न लागेको हो । काभ्रे भन्ज्याङमा ६४ रोपनी क्षेत्रफल फैलिएको करिब २३ करोड रूपैयाँको लागतमा बनेको अस्पतालले आगामी साताबाट स्वास्थ्य सेवा सुरू गर्ने लागेको हो ।
ग्रामिण क्षेत्रका जनतालाई विशेषज्ञ सेवासहित अस्पतालले घरदैलो स्वास्थ्य सेवा समेत उपलब्ध गराउने छ । यस अस्पताललाई बागमती प्रदेशको स्वास्थ्य शिक्षासम्बन्धी तालिम केन्द्रको रूपमा समेत विकास गरिने छ । धुलिखेल अस्पताले सम्भवत: नेपालमै पहिलो पटक गर्भवती महिलामा हुने उच्चरक्तचाप न्यूनीकरणका लागि अनुसन्धात्मक स्वास्थ्य सेवा समेत सुरू गर्नेछ ।
उच्चरक्तचापले गर्भव महिलाका लागि वायुमार्कर सेवा सुरू गरिएको हो । सामुदायिक अस्पतालको रूपमा मुलुककै छुट्टै पहिचान बनाउन सफल धुलिखेलले विभिन्न जिल्लाका १९ वटा ग्रामिण भेगमा स्वास्थ्य केन्द्र स्थापना गरी स्वास्थ्य सेवा उपलब्ध गराउँदै आएको छ ।
निकट भविष्यमा धुलिखेलमै सुविधा सम्पन्न ट्रमा सेन्टरसमेत सञ्चालन गर्ने भएको छ । जापान सरकारको सहयोगमा करिब ४ अर्ब रूपैयाँको लागतमा ट्रमा सेन्टरको भवन बनिरहेको छ ।
