भक्तपुर । स्वास्थ्य तथा जनसंख्यामन्त्री प्रदीप पौडेलले नेपालमा आवश्यकताको २० प्रतिशत पनि अंगदान हुन नसकेको बताउनुभएको छ ।
विश्व अंग दान दिवसको अवसरमा भक्तपुरस्थित शहिद धर्मभक्त प्रत्यारोपण केन्द्रले आयोजना गरेको कार्यक्रममा बोल्दै मन्त्री पौडेले आवश्यकताअनुसार अंग प्रत्यारोपणका निति नियमलाई खुकुलो बनाउँदै अंग दान व्यस्थित बनाएर वढाउनुपर्नेमा जोड दिनुभयो ।
अंगदान जतिको ठुलो धर्म प्राप्ति हुने कुराको समाजमा बुझाउनुपर्ने ब्रेन डेथ पछिको अंगदान गर्नेको विषयलाई प्राथिमिकतामा ल्याउनुपर्ने बताउनुभयो ।
मन्त्री पौडेलले स्वास्थ्य बीमासँग विपन्नलाई जोड्दै पहिले ८ वटा विभिन्न रोगलाई दिइँदै आएको विपन्नको सुविधा बढाएर अहिले १० वटा विभिन्न रोग भएका विरामीलाई स्वास्थ्य बीमामार्फत सेवा दिइने बताउनुभयो ।
यो सुविधा लिनका लागि स्वास्थ्य बीमा अनिवार्य गरेको हुनु पर्ने उहाँको भनाइ थियो । यो सेवाबाट क्यान्सरका विरामीलाई ३ लाख रूपैयाँ मुटुको भल्भ फेर्न ५ लाख रूपैयाँ र मृगौला प्रत्यारोपणका लागी ९ लाख रूपैयाँ बराबरको सुविधा पाउने उहाँको भनाइ थियो । मृगौला दिन व्यक्तिला नि:शुल्क बीमा गर्ने व्यवस्था गर्ने तयारी भइरहेको उहाँले बताउनुभयो ।
कार्यक्रमा संघीय दुर्लभ थापाले अंगदान सबैभन्दा ठुलो दान भएको बताउनुभयो । उहाँले अंगदान गर्न पनि अंग जोगाउनतर्फ ध्यान दिनुपर्ने बताउनुभयो ।
यस्तै कार्यक्रममा संघिय सांसद प्रेम सुवालले दुई हजार चिकित्सकको दरबन्दी खोलेर नपुग्ने बताउँदै १० हजार जनशक्तिको दरबन्दी खोल्न मन्त्री पौडेललाई आग्रह गनुभयो ।
भक्तपुरस्थित अंग प्रत्यारोपण केन्द्रबाट हालसम्म ६ जना ब्रेन डेथ भएका व्यक्तिबाट पाएको अंगले १२ जनले मृगौला र ३ जनाले कलेजो प्रत्यारोपण गरिएको छ केन्द्रले जनाएको भने हाल सम्म १५ सय जनाको मृगौला प्रत्यारोपण गरिएको केन्द्रले जनाएको छ ।
