जनकपुर । मधेश प्रदेशका मुख्यमन्त्री सतिशकुमार सिंहले आफ्नै पार्टी जनमतले प्रपञ्च रचेको र सरकारमा सहभागी दलहरूले बचन फेरेको आरोप लगाउँदै राजीनामा दिनुभएको छ ।
मधेश प्रदेश सभामा मंगलबार विश्वासको मतका लागि प्रस्ताव पेस गर्नुअघि उहाँले सभालाई सम्बोधन गर्दै राजीनामा दिनुभएको हो । वर्तमान परिस्थितिमा मार्गप्रशस्त गर्दै मुख्यमन्त्रीको पदबाट राजीनामा गरेको सिंहले घोषणा गर्नुभयो ।
यसअघि विश्वासको मतको तयारीमा रहनु भएका सिंहले प्रदेशसभामा अल्पमतमा परेपछि विश्वासको मत नलिँदै राजीनामा दिनुभएको हो । सभामुख रामचन्द्र मण्डलले उहाँलाई विश्वासको मत नलिएको हुनाले प्रदेश प्रमुखसमक्ष लिखित राजीनामा दिन निर्देशन दिनुभएको थियो ।
