काठमाडौं । प्रधानमन्त्री केपी शर्मा ओलीले जोरपाटीस्थित नेपाल मेडिकल कलेज तथा शिक्षण अस्पतालको रजत जयन्तीका अवसरमा त्यहाँस्थित नवनिर्मित डेन्टल कलेज भवनको उद्घाटन गर्नुभएको छ ।
जनतालाई सहज रुपमा गुणस्तरीय स्वास्थ्य सेवा प्रदान गर्दै मुलुकका लागि अपरिहार्य दक्ष स्वास्थ्य जनशक्ति उत्पादन गर्ने उद्देश्यमा नयाँ भवन उपयोगी हुने प्रधानमन्त्री ओलीले जनाउनु भयो ।
नेपाल मेडिकल कलेजले हालसम्म एमबीबीएसमा २ हजार २ सय ६२, बीडीएसमा ३ सय ३५, एमडी/एमएस र एमडीएसमा ३ सय २४ जना, विशिष्टीकृत सेवाअन्तर्गत डीएम एमसीएचमा ८, बीएस्सी नर्सिङ र एमएस्सी नर्सिङमा २ सय ८ गरी स्थापनाकालदेखि हालसम्म ४ हजार ९८ जना दक्ष प्राविधिक जनशक्ति उत्पादन गरेको जनाइएको छ ।
कार्यक्रममा स्वास्थ्य तथा जनसंख्यामन्त्री प्रदीप पौडेल, प्रतिनिधिसभा सदस्यलगायत सहभागी हुनुहुन्थ्यो ।
