रोल्पा । नयाँ भवनबाट सेवा दिइरहेको ५० शय्याको रोल्पा अस्पतालमा एकजना पनि विशेषज्ञ डाक्टर नहुँदा बिरामीले समस्या बेहोर्नुपरेको छ ।
लुम्बिनी प्रदेश सरकार मातहतको अस्पतालमा विशेषज्ञ डाक्टर नहुँदा जटिल अवस्थाका बिरामीलाई अन्य जिल्लामा रिफर गर्नुपर्ने बाध्यता छ । अस्पतालमा मेडिकल सुपरिटेन्डेन्टसहित ११ जना विशेषज्ञ डाक्टरको दरबन्दी छ । तर आठौं तहको निमित मेडिकल अधिकृतको भरमा अस्पताल सञ्चान हुँदै आएको छ ।
विशेषज्ञ डाक्टर नहुँदा जटिल अवस्थाका सुत्केरी सेवा तथा बाल रोग, नाक-कान-घाँटी, छालाका बिरामीलाई जिल्ला बाहिर पठाउनुपर्ने बाध्यता रहेको अस्पतालले जनाएको छ । चारजना मेडिकल अधिकृतको दरबन्दी भएको रोल्पा अस्पतालमा अहिले दुईजना मेडिकल अधिकृत डाक्टर मात्र छन् ।
भौगोलिक विकट रहेको रोल्पामा विशेषज्ञ डाक्टर नहुँदा यहाँका बासिन्दा उपचारका लागि दाङ, बुटवल, नेपालगन्ज, काठमाडौं धाउनुपर्ने बाध्यता छ ।
.png&w=400&height=300)
