ओखलढुंगा । ओखलढुंगाका चारवटा स्थानीय तहमा पशुचौपायामा लाग्ने लम्पी स्किन रोग फैलिएको छ ।
सिद्धिचरण नगरपालिका, चिशंखुगढी, मोलुङ र सुनकोशी गाउँपालिकामा लम्पी स्किनको महामारी फैलिएको हो ।
अहिलेसम्म ६६३ गाईगोरु र भैंसीमा यो रोग देखिएको छ भने ६ वटा गाईगोरु मरेको स्थानीय तहका पशु शाखाहरूले जनाएका छन् ।
यस्तै पाँचथरमा पनि आठवटै पालिकाका पशुमा लम्पी स्किनको प्रकोप फैलिएको छ । हालसम्म पाँच हजार पशुचौपाया प्रभावित भएकामा २२ वटा मरेको पशुसेवा विज्ञ केन्द्र पाँचथरले जनाएको छ ।