काठमाडौं । चलचित्र ‘साम्बाला’को प्रिमियरमा सहभागी हुन बलिउड निर्देशक अनुराग कश्यप र कलाकार नवाजुद्दिन सिद्दकी नेपाल आउनुहुने भएको छ ।
मीनबहादुर भामद्वारा निर्देशित फिल्मको नेपाल प्रिमियरका लागि उहाँहरू दुवै जना भदौ २२ मा आइपुग्ने ‘साम्बाला’का एसोसियट निर्माता मिन्सो लिम्बूले जानकारी दिनुभयो ।
यस फिल्मकी प्रमुख अभिनेत्री थिन्ले ल्हामोले लोकार्नो फिल्म फेस्टिभलमा उत्कृष्ट अभिनयका लागि हालै 'बोक्कालिनो डिओर' अवार्ड पाउनु भएको थियो ।
साम्बाला नेपालमा भदौ २८ देखि प्रदर्शनमा आउँदैछ ।
