उहाँले निर्वाचन एकै चरणमा हुने र मौसमले पनि साथ दिने बताउनुभयो । साथै समयमै निर्वाचन सम्पन्न गराएर नयाँ प्रतिनिधिसभालाई हस्तान्तरण गर्न आफू आतुर रहेको पनि उहाँको भनाइ थियो ।
त्यसैगरी गृहमन्त्री ओमप्रकाश अर्यालले पनि निर्वाचन एकै चरणमा हुने दोहोर्याउनुभयो । यद्यपि हिमाली जिल्लामा मौसमका कारण मतदान प्रभावित हुने अवस्था आइहाले अस्थायी मतदान केन्द्र तोकेर भए पनि निर्वाचन गर्ने छलफल भइरहेको उहाँको भनाइ थियो ।गृहमन्त्री अर्यालले सुरक्षित निर्वाचन हुनेमा ढुक्क रहन पनि आग्रह गर्नुभयो ।
