रुकुम पूर्व । पुथाउत्तरगंगा गाउँपालिकामा उपाध्यक्ष पदका लागि भएको उपनिर्वाचनमा माओवादी केन्द्रकी उम्मेदवार नरपुरा बुढा विजयी हुनु भएको छ । तीन हजार ६ सय २७ मत सहित बुढा विजयी हुनु भएको हो ।
उहाँको निकट प्रतिद्वन्द्वी कांग्रेस-एमालेकी साझा उम्मेदवार केशकुमारी तुलाचनले दुई हजार एक सय २८ मत प्राप्त गर्नु भयो ।
गत भदौ २८ गते बागलुङमा जीप दुर्घटना हुँदा पालिका उपाध्यक्ष भूपेन्द्रा बुढा र २ नं. वडा अध्यक्ष जसबहादुर सिर्पालीको मृत्यु भएपछि उक्त दुई पद रिक्त भएका थिए । उपनिर्वाचनमा एमालेका तर्फबाट कांग्रेसको चुनाव चिह्न लिएर केशकुमारी तुलाचनलाई र माओवादी केन्द्रका तर्फबाट नरपुरा बुढालाई उम्मेदवार बनाइएको थियो ।
वडाध्यक्ष पदमा भने एमाले र एक जना स्वतन्त्र उम्मेदवारले उम्मेदवारी फिर्ता लिएपछि माओवादी केन्द्रका जगत घर्ती सर्वसम्मत निर्वाचित भइसक्नु भएको छ ।
