दोलखा । गौरीशंकर गाउँपालिको मतगणना सोमबार मध्याह्नबाट सुरू भएको छ । पालिकाको ९ नं वडाको बेदिङ मतदान केन्द्रबाट सोमबार बिहान मतपेटिका हेलिकोप्टरबाट ल्याइएपछि सर्वदलीय बैठक बसेर मतगणना थालिएको मुख्य निर्वाचन अधिकृतको कार्यालयले जनाएको छ ।
सुरक्षा घेराको बीचमा गौरीशंकर गाउँपालिका-५ मा वडा नं १ र २ को मतपेटिका खोलिएको कार्यालयले जनाएको छ । गौरीशंकरको रिक्त रहेको उपाध्यक्ष पदका लागि आइतबार भएको उपनिर्वाचनमा ४८.२८ प्रतिशत मत खसेको छ ।
निर्वाचनमा सात हजार पाँच सय ८९ मत खसेको हो । ९ वटा रहेको गौरीशंकरमा कुल १५ हजार सात सय १८ मतदाता छन् ।
