राजविराज । सप्तरीको डाक्नेश्वरी नगरपालिका वडा नम्बर-१ मा जनता समाजवादी पार्टी नेपालका उम्मेदवार धिरेन्द्र कुमार साह निर्वाचित हुनु भएको छ ।
जनता समाजवादी पार्टी नेपालका उम्मेदवार साहले ६ सय ५२ मत प्राप्त गरी निर्वाचित हुनु भएको हो । उहाँका निकटतम प्रतिद्वन्द्वी नेपाली कांग्रेसका भुलियादेवी थरुनीले ५ सय ८७ मत प्राप्त गर्नुभयो ।
यसैगरी नेकपा एमालेका उम्मेदवार भगवानी साहले २ सय ६५ मत प्राप्त गर्नुभएको जिल्ला निर्वाचन कार्यालय सप्तरीका प्रमुख रमेश कुमार जोशीले जानकारी दिनुभयो ।
कुल २ हजार ६ सय २३ मतदाता रहेको उक्त वडामा आइतबार निर्वाचनमा १ हजार ८ सय ४५ मत खसेको थियो । मतगणनाको क्रममा ५१ मत बदर पाइएको थियो ।
