काठमाडौं । प्रदेशसभाअन्तर्गत देशभरको हालसम्मको नतिजाअनुसार कांग्रेसले अग्रता कायम गरेको छ ।
कांग्रेस प्रदेशसभातर्फ १३ स्थानमा विजयी भएको छ भने ६१ सिटमा अग्रस्थानमा छ । प्रदेशसभातर्फ नेकपा एमालेले अहिलेसम्म ४ स्थानमा जित हासिल गरेको छ भने ९० स्थानमा उसको अग्रता छ । त्यस्तै माओवादी केन्द्रले ३ स्थानमा जितको र ३५ स्थानमा अग्रता कायम गरेको छ । अन्य दलहरूले पनि दुई स्थानमा जित हासिल गर्दै १३ स्थानमा अग्रता कायम गरेका छन् ।
त्यस्तै जनमत पार्टीले २ सिट जितिसकेको छ भने अरू २ ठाउँमा उसको अग्रता छ । यता राप्रपाले १ स्थानमा जित निकाल्दै ८ स्थानमा अग्रता कायम गरेको छ । जसपाले १० स्थानमा अग्रता कायम गर्दा एकीकृत समाजवादीले १३ स्थानमा अग्रता कायम गरेको छ । नागरिक उन्मुक्ति पार्टी ६ स्थानमा अग्रता बनाइरहँदा लोसपा पनि ६ स्थानमा अघि छ ।
