काठमाडौं । विद्यालय शिक्षा विधेयकमा असन्तुष्टि जनाउँदै निजी विद्यालय सञ्चालकहरूले कालोपट्टी बाँधेर प्रदर्शन गरेका छन् ।
शिक्षा विधेयकबाट शिक्षालाई गैरनाफामूलक बनाउने भन्ने शब्द हटाउनुपर्ने र पूर्ण छात्रवृत्तिको व्यवस्था पनि खारेज गर्नुपर्ने निजी विद्यालय सञ्चालकहरूको माग छ ।
माग सम्बोधन नभए विद्यालय नै बन्द गर्ने चेतावनीसहित उनीहरूले काठमाडौंको माइतीघरमा प्रदर्शन गरेका हुन् । उनीहरूले छात्रवृत्ति दिने अधिकार सम्वन्धित विद्यालयमा रहनुपर्ने माग गरेका छन् ।
विद्यालय शिक्षा विधेयकको प्रतिवेदन संसदीय समितिबाट पारित भएर प्रतिनिधि सभामा पेस भैसकेको छ ।
