काठमाडौं । ‘पठन संस्कृति विकास’ को उद्देश्यसहित साझा प्रकाशनले विशेष पुस्तक प्रदर्शनी आयोजना गरेको छ ।
प्रविधिको विकासका कारण पठन संस्कृति नै प्रभावित भइरहेको अवस्थामा साझा प्रकाशनले प्रदर्शनी आयोजना गरेको हो । प्रदर्शनीको आइतबार ललितपुर महानगरपालिकाका प्रमुख चिरिबाबु महर्जनले उद्घाटन गरे ।
उनले १११ वर्षको इतिहास बोकेको साझा प्रकाशनलाई बचाउन छलफल गर्न महानगर तयार रहेको बताए । प्रदर्शनी देशभरका साझा प्रकाशनका कार्यालयहरुमा असोज २२ सम्म सञ्चालन हुने निमित्त महाप्रबन्धक भेषराज घिमिरेले जानकारी दिए ।
प्रदर्शनीमा राखिएका पुस्तकमा २० देखि ८० प्रतिशतसम्मको छुट उपलब्ध गराइने साझा प्रकाशनले जनाएको छ ।