काठमाडौं । अर्थमन्त्री स्वर्णिम वाग्लेले अब निजी क्षेत्रले घुस खुवाउन, कामकाजमा लाइन लाग्न र बिनाकारण थुनिनु नपर्ने बतानउनुभएको छ ।
सोमबार नेपाल उद्योग वाणिज्य महासंघका प्रतिनिधिहरुसँगको भेटमा मन्त्री वाग्लेले सरकार निजी क्षेत्रमैत्री भएकाले ढुक्क भएर लगानी विस्तार गर्दै राजगारी सिर्जनामा केन्द्रित हुन आग्रह गर्नुभएको हो ।
निजी क्षेत्रले आर्थिक बेइमानी गरेको अवस्थामा सरकारले आर्थिक जरिवाना नै गर्ने पनि मन्त्री वाग्लेले आश्वासन दिनुभएको छ । तर, नियोजित रुपमा र नियतवस कसैले बेइमानी गरेमा भने सरकार निर्मम हुने उहाँले उद्योगी तथा व्यवसायीलाई बताउनुभएको छ ।
