काठमाडौं । स्थानीय बजारमा आइतबार सुनचाँदीकोे मूल्य बढेको छ ।
गत शुक्रबारको तुलनामा सुन तोलामा रू तीन हजार पाँच सय र चाँदी प्रतितोला रू ३० ले बढेको हो । नेपाल सुनचाँदी व्यवसायी महासङ्घका अनुसार आइतबार छापावाल सुनको मोल प्रतितोला रू तीन लाख १६ हजार नाै सय कायम भएको छ भने एक तोला चाँदीको मूल्य रू पाँच हजार ४ सय ७५ निर्धारण भएको छ ।
शुक्रबार एक तोला सुन रू तीन लाख १३ हजार चार सय र त्यति नै परिमाणको सेतो धातु रू पाँच हजार ४ सय ४५ मा कारोबार भएको थियो । अन्तर्राष्ट्रिय सञ्चारमाध्यमहरूका अनुसार आइतबार अन्तरराष्ट्रिय बजारमा एक औँस सुन पाँच हजार १ सय ७० र त्यति नै परिमाणको सेतो धातु ८५ अमेरिकी डलरमा कारोबार भइरहेको छ ।
