काठमाडौं । जापानको राजधानी टोकियोमा नेपाल जापान रोजगार सम्मेलनमा सुरू भएको छ ।
संस्थागत तवरले नेपालबाट श्रमिक आपूर्ति गर्ने पूर्व तयारीस्वरूप सम्मेलन आयोजना गरिएको वैदेशिक रोजगार व्यवसायी संघले बताएको छ । सम्मेलनमा जापानका विभिन्न रोजगारदाताको सहभागीता रहेको छ ।
त्यस्तै जापानमा रहेका कम्पनीका एचआरहरू पनि सम्मेलनमा सहभागी छन् । जापानमा रहेको श्रमिकको माग संस्थागत तवरले पूर्ति गर्न सोझै रोजगारदातासँग संवादका लागि सम्मेलन आयोजना गरिएको नेपाल जापान रोजगार सम्मेलनका उपसंयोजक प्रेम कटवालले जानकारी दिनुभयो ।
जापानमा नर्सिङ, कृषि उद्योग तथा सेवा क्षेत्रमा श्रमिकको माग भए पनि वैद्यानिक तवरले भर्ना प्रक्रिया भने सुरु भएको छैन ।
