सिन्धुपाल्चोक । सिन्धुपाल्चोकका कफी उत्पादक किसानलाई प्राङ्गारिक चक्र प्रविधिसम्बन्धी तालिम दिइएको छ ।
राष्ट्रिय चिया तथा कफी विकास बोर्डको आयोजना तथा चौतारा साँगाचोकगढी नगरपालिकाको समन्वयमा ३२ जना किसानलाई कफीका बिरुवा रोप्ने चरणदेखि उत्पादन, सङ्कलन र प्रशोधन र प्राङ्गारिक प्रविधि अपनाएर गुणस्तरीय कफी उत्पादन बढाउने, माटोको उर्वराशक्ति जोगाउने तथा आम्दानी वृद्धि गर्ने बारे दुई दिने तालिम दिइएको हो ।
साथै चौतारा साँगाचोकगढी नगरपालिकाले कफी उत्पादन र प्रशोधनलाई थप प्रभावकारी बनाउन १२ लाख रुपैयाँ लागतको कफी भुट्ने मेसिन किसानलाई हस्तान्तरण गरेको छ । उक्त मेसिनबाट स्थानीयस्तरमै कफी भुट्न सहज हुने र बजारमा प्रतिस्पर्धी उत्पादन पुर्याउन सहयोग पुग्ने भएपछि किसान खुसी छाएका छन् ।
