बागलुङ । बागलुङमा कोदो खेतीप्रति किसानको आकर्षण कम हुन थालेपछि उत्पादनमा कमी आएको छ।
यस वर्ष जिल्लामा ६९ मेट्रिक टनले कोदो उत्पादनमा कमी आएको हो । गत वर्ष १० हजार ८ सय उत्पादन भएको कोदो यस वर्ष घटेर १० हजार ७ सय ३१ मेट्रिक टन उत्पादन भएको छ। माग कम हुँदै जाँदा कोदो खेतीको विकल्पको रूपमा सुन्तला, केरा र कागती खेतीतर्फ किसानको आकर्षण बढ्दो छ।
अर्कोतर्फ उन्नत जातको कोदोको साटो स्थानीय जातको कोदो लगाएका कारण पनि उत्पादनमा कमी आएको कृर्षि विकास कार्यालय बागलुङले जनाएको छ । दैनिक जीवनमा बिहान बेलुकी खाद्य साम्रगीको रुपमा कोदोको परिकार खाने चलन कम भएपछि माग समेत घटेको हो।
बसाइसराइ र जनशक्ति अभावको कारण पनि कोदो खेती लगाउन सकस भएका कारण उत्पादनमा क्रमश: ह्रास आएको किसानहरू स्वीकार्छन् । बागलुङमा ३० हजार ४ सय हेक्टर खेती योग्य जमिन मध्य १८ हजार हेक्टर क्षेत्रफलमा कोदो बाली लगाउने गरिन्छ ।
.png&w=400&height=300)
