विराटनगर । विराटनगर दुईमा पुस नौ गतेदेखि १९ गतेसम्म विराट ट्रेड एक्स्पो हुने भएको छ ।
मोरङ उद्योग व्यापार संघले सोमबार विराटनगरमा पत्रकार सम्मेलनको आयोजना गरी एक्स्पोबारे जानकारी गराएको हो । पत्रकार सम्मेलनमा बोल्दै संघका अध्यक्ष अनुपम राठीले एक्स्पोमा स्वदेशी तथा विदेशी कम्पनीका दुईसय ३० वटा स्टल रहने बताउनु भयो ।
उद्योग-व्यवसायको प्रवर्द्धन, स्वदेशी उत्पादनको संरक्षण तथा अन्तर्राष्ट्रिय बजार विस्तारको उद्देश्यसहित एक्स्पो आयोजना हुन लागेको हो ।
