काठमाडौं । मंगलबार पनि शेयर बजार बढेको छ ।
अन्तिम समयमा बजार बन्द हुँदा नेपाल स्टक एक्सचेञ्ज (नेप्से) १५.७० अंकले बढेको छ । नेप्से ०.६१ प्रतिशतले बढेर परिसूचक २५६६ बिन्दुमा पुगेको छ ।
दोस्रो दिन पनि नेप्से बढेसँगै कारोबार रकम पनि बढेको छ । मंगलबार दिनभरमा ४ अर्ब १० करोड ५४ लाख रूपैयाँ बराबरको ९२ लाख ५५ हजार ४५७ कित्ता शेयर कारोबार भएको छ । बजार बन्द हुँदा २०७ वटा कम्पनीको शेयर मूल्य बढेको छ भने ४४ वटा कम्पनीको शेयर मूल्य घटेको छ । ५ वटा कम्पनीको शेयर मूल्य भने स्थिर रहेको छ ।
दिनभरमा ३४५ वटा कम्पनी कारोबारमा आउँदा ५५ हजार २ सय ७७ पटक शेयर किनबेच भएको छ । १३ समूहमध्ये सबै समूहमा हरियाली छाएको छ । मंगलबार लगानीकर्ताको रोजाइमा होटल तथा पर्यटन समूह परेको छ । उक्त समूह १.२८ प्रतिशतले बढेको छ ।
