गोरखा । गोरखाको चुमनुब्री गाउँपालिका-३ पाङ-सिङमा गएको पहिरोले ४ वटा घरका साथै एउटा कुखुरा फार्ममा क्षति पुगेको छ ।
अविरल वर्षापछि आएको लेदोसहितको पहिराले ढुंगा र काठले बनाएको स्थानीय सर्किनी गुरूङ, जुक बहादुर गुरूङ ,धन्डुक गुरूङ, कमला गुरूङका घर पहिरोका कारण क्षति पुगेको हो । त्यस्तै देवेन्द्र गुरूङको कुखुराको फर्म र त्यसमा रहेको कुखुरा बगाएको सिर्दीबास प्रहरी चौकी गोरखाले जनाएको छ ।
घरमा क्षति पुगेकाहरू अहिले आफन्तका घरमा बसेका छन् ।
