दाङ । वृद्धि गरेको मूल्य लागु गर्न नपाएपछि दाङका खसी मासु व्यवसायीहरूले अनिश्चितकालका लागि मासु पसल बन्द गरेका छ ।
जिल्ला प्रशासन कार्यालयले मासु व्यवसायीहरूले वृद्धी गरेको मूल्य तत्काल कार्यान्वयन नगर्न-नगराउन भनेपछि व्यवसायीहरू पसल बन्द गरेर आन्दोलित भएका हुन् । असोज २२ गते व्यवसायीहरूले उद्योग वाणिज्य संघ सहितको समन्वयमा असोज २५ गते देखि कार्यान्वयन गर्ने गरी प्रतिकिलो ९ सय रूपैयाँ रहेको मासुको मूल्यमा १ सय रूपैयाँ मुल्य वृद्धी गरेका थिए ।
मासुको मूल्य वृद्धी नगर्ने हो भने प्रशासनले नै खाद्य संस्थानमार्फत पुरानै मूल्यमा आफुहरूलाई खसीबोका उपलब्ध गराउनु पर्ने माग व्यवसायीहरूको छ । दाङको घोराहीमा मात्रै ३० वटा खसी बोकाको मासु पसल रहेको छ भने दैनिक ६० देखि ८० वटासम्म खसीबोका खपत हुने गरेको छ ।
