काठमाडौं । दूधको मूल्य समयमै नपाएको भन्दै दूध उत्पादक किसानहरू आन्दोलनमा उत्रेका छन् ।
उनीहरूले आइतबार काठमाडौंको लैनचौरस्थित दुग्ध विकास संस्थानको कार्यालय अगाडी प्रदर्शन गरेका हुन् । प्रदर्शनकारी किसानमाथि प्रहरीले हस्तक्षेप गरेपछि केहीबेर प्रहरी र प्रदर्शनकारीबीच घम्साघम्सी समेत भएको थियो ।
दुग्ध विकास संस्थानलाई दूधको मूल्य भुक्तानीका बारेमा पटक–पटक ध्यानाकर्षण गराउँदा पनि समयमै पैसा नपाएको उनीहरूको गुनासो छ । किसानहरूले दूधको बक्यौता रकम तुरून्त भुक्तानी गर्न र उत्पादित दूध सडकमा फाल्नुपर्ने अवस्था अन्त्य गर्न माग गरेका छन् ।
