काठमाडौं । अमेरिकी डलरको मूल्य अहिलेसम्मकै उच्च बिन्दुमा पुगेको छ ।
नेपाल राष्ट्र बैंकका अनुसार शनिबार अमेरिकी डलरको बिक्री मूल्य १ सय ४१ रूपैयाँ ४२ पैसा पुगेको छ । यो अहिलेसम्मकै उच्च विन्दू हो । अमेरिकी डलरको खरिद मूल्य १ सय ४० रूपैयाँ ४० पैसा रहेको छ ।
अमेरिकी फेडरल रिर्जब बैंकले ब्याजदर स्थिर राख्ने संकेत गरेसँग डलरको माग बढेको हो । अमेरिकी डलरको तुलनामा भारतीय रूपैयाँ कमजोर बन्दा नेपाली रुपैयाँसमेत कमजोर भएको हो ।
भारूसँग नेपाली रूपैयाँको स्थिर विनिमय दर छ । भारू कमजोर हुँदा नेपाली रूपैयाँसमेत कमजोर हुने गर्छ । डलरको मूल्य बढ्दै जाँदा आयात महंगा हुने गर्छ । आयातित वस्तुको भुक्तानी डलरमा गरिने हुँदा सामान महंगो हुने छ ।
यस्तै राज्यले विदेशी दातृ निकायसँग लिएको ऋणको भार पनि बढ्ने छ । रेमिट्यान्स, पर्यटन क्षेत्र र निकासीकर्तालाई भने फाइदा पुग्ने छ ।
