काठमाडौं । नेकपा माओवादी केन्द्रका उपमहासचिव जनार्दन शर्माले अब भारतसँग पनि नेपालले लिपुलेकका विषयमा शसक्त रूपमा कुरा राख्नुपर्ने बताउनुभएको छ।
शर्माले प्रधानमन्त्री केपी शर्मा ओलीले चीनमा राखेको अडान र चिनिया राष्ट्रपतिसमक्ष जनाएको आपत्तिको सराहना गर्दै यो समस्या समाधानका लागि राजनीतिक र कुटनीतिक तबरमा लगातार कुरा उठाइरहनुपर्ने बताउनुभयो ।
भारतमा पनि चीनमा जस्तै बलियोसँग प्रस्तुत हुनुपर्ने उहाँको भनाइ छ । कान्तिपुर टेलिभिजनको सोमबार प्रसारण हुने साप्ताहिक कार्यक्रम फायरसाइडका लागि कुराकानी गर्दै शर्माले नेपालको सार्वभौमिकताका विषयमा नेपालका दलहरू एकताबद्ध हुनुको विकल्प नभएको पनि बताउनुभयो ।
