धनकुटा । बन्दागोभी खेतीको मुख्य सिजन चलिरहँदा धनकुटाका किसानले गुणस्तरीय बीउ पाउन सकेका छैनन् ।
धनकुटाको जोरपाटी, सिंधुवा, मूर्तिढुंगा, पटेकलगायतका क्षेत्रमा आलु खनेर बेमौसमी बन्दागोभी लगाउने सिजन चलिरहेको छ । यसअघि उमारिएका बेर्ना किसानले रोपिसकेका छन् ।
आलु खनेर बन्दागोभी रोप्न यतिबेला बेर्ना तयार पारिसक्नुपर्छ । तर यतिबेलासम्म गुणस्तरीय बीउ बजारमा उपलब्ध भएको छैन् । यो क्षेत्रमा बन्दागोभीमा क्लपरूट रोगको प्रकोप फैलिनेगरेको छ ।
गुणस्तरीय बीउ नपाइएको गुनासो लिएर किसानहरू गाउँ पालिका र वडाकार्यालयसम्म पुग्न थालेका छन् । धनकुटा बन्दासहित ताजा तरकारी उत्पादनमा पूर्वकै अग्रणी मानिन्छ ।
