काठमाडौं । नेपाल विद्युत प्राधिकरणले उद्योगहरुमा विद्युत लाइन नकाट्ने निर्णय गरेको छ ।
बुधबार बसेको प्राधिकरणको सञ्चालक समितिको बैठकले मंगलबार विद्युत नियमन आयोगले उद्योगमा तत्काल लाइन नकाट्न दिएको निर्देशन पारित गरेको हो ।
प्राधिकरण सञ्चालक समितिको बैठकमा यसअघि बिजुली जोड्नेमा असहमति जनाएका सञ्चालकद्वय भक्तबहादुर पुन र कपिल आचार्यले भने यो निर्णयमा पनि सहमति जनाएका छैनन् ।
उद्योगीले बक्यौता नतिरेको भन्दै लाइन काट्ने तयारीमा प्राधिकरण थियो । तर नियमन आयोगले हिजै लाइन नकाट्न निर्देशन जारी गरेपछि रोकिएको छ ।
