काठमाडौं । रुसका लगानीकर्ताले नेपालको जलविद्युत्, कृषि, पर्यटन र पूर्वाधारमा लगानी गर्ने इच्छा देखाएका छन् ।
रुसको चेम्बर अफ कमर्स एन्ड इन्डस्ट्रीका अध्यक्ष सेर्गेई काटिरिन नेतृत्वको टोलीले आज (सोमबार) परराष्ट्रमन्त्री नारायणकाजी श्रेष्ठ र भौतिक पूर्वाधारमन्त्री रघुवीर महासेठलाई छुट्टाछुट्टै भेटेर लगानीका विषयमा छलफल गरेको हो । रुसले नेपालका जलविद्युत्, कृषिलगायत क्षेत्रका लगानी गर्न चासो देखाएको छ ।
भेटका अवसरमा मन्त्रीद्वय श्रेष्ठ र महासेठले ढुक्कले लगानी गर्न आग्रह गर्नुभएको थियो । विदेशी लगानीकर्ता आकर्षित गर्न अध्यादेशमार्फत कानुन संशोधन गरिएको उल्लेख गर्दै उहाँहरुले जस्तोसुकै सहजीकरण गर्न पनि सरकार तयार रहेको बताउनुभएको थियो । सरकारले यही वैशाख १६ र १७ गते लगानी सम्मेलन गर्दै छ ।
.png&w=350&height=150)
