काठमाडौं । संसद्को अन्तर्राष्ट्रिय सम्बन्ध तथा पर्यटन समितिले न्यारोबडी जहाज खरिद प्रक्रियाका बारेमा १५ दिनभित्र स्पष्ट जवाफ पेश गर्न नेपाल वायु सेवा निगमलाई निर्देशन दिएको छ ।
आज बसेको बैठकमा समितिले यस्तो निर्देशन दिएको हो । न्यारो बडी जहाज खरिद प्रक्रिया भ्रष्टाचारजन्य कार्य नभएको समितिलाई विश्वास हुनेगरी स्पष्ट जवाफ पेश गर्न निर्देशन दिइएको समिति सभापति राजकिशोर यादवले बताए । न्यारो बडी जहाजका विषयमा उपसमिति बनाएर छानबिन गरिने उनको भनाइ छ । समितिले जहाज खरिद सम्झौताका बेलामा भएका सबै प्रक्रिया पेश गर्न पनि निर्देशन दिएको छ ।
सभापति यादवले युरोपियन युनियनको कालोसूचीबाट हट्नका लागि नागरिक उड्डयन प्राधिकरण र नेपाल वायु सेवा निगम एक ठाउँमा हुन जरुरी रहेको पनि बताए ।
