नवलपरासी । दूधको उचित मूल्य नपाएको र खपत पनि घटेको विरोधमा पश्चिम नवलपरासीका किसानले आज दूध पोखेर विरोध जनाएका छन् ।
विभिन्न बहाना बनाउँदै निजी तथा सरकारी डेरीले नियमितरुपले दूध खरिद नगरेको तथा लगानीअनुसारको मूल्य नपाएको विरोधमा बर्दघाटमा किसानले सडकमा दूध पोखेका हुन् । उत्पादन गरेको दूध बिक्री नहुने र मूल्यसमेत नपाएको भन्दै त्यहाँका किसान संघर्ष समिति गठन गरेर आन्दोलित भएका छन् ।
१ सय जना किसानले आज ५ सय लिटर दूध पोखेर विरोध जनाएको सघर्ष समितिका अध्यक्ष देविलाल काफ्लेले बताए । कृषि तथा पशुपन्छीमन्त्री वेदुराम भुसालले किसानका माग तत्काल सम्बोधन गर्ने बताए पनि अहिलेसम्म समस्या समाधान नभएको भन्दै उनीहरूले कृषिमन्त्रीको राजीनामासमेत माग गरेका छन्
