बाँके । जिल्ला अदालत बाँकेले नेपालगन्जस्थित सहकारी र वित्तीय संस्था लिमिटेडको ३५ करोड रुपैयाँ अपचलन गर्ने ९ जनालाई दोषी ठहर गर्दै कैद सजाय र जरिवाना तोके पनि बचतकर्ताको रकम फिर्ता आदेश कार्यान्वयनमा ढिलाइ भएको छ ।
कात्तिक २६ गते जिल्ला न्यायाधीश इन्द्रबहादुर कठायतको इजलासले नौ जनालाई पाँच वर्ष कैद र ५० हजार रुपैयाँ जरिवाना तथा बचत फिर्ताको फैसला गरेको थियो । आरोपी १० जनाले भने सफाइ पाएका थिए । सहकारी ठगी प्रकरणमा अदालतले दिएको आदेश कार्यान्वयनमा ढिलाइ हुँदा बचतकर्ताले कहिले रकम फिर्ता पाउने भन्ने अनिश्चित छ ।
अदालतले बचतकर्ताको रकम फिर्ता गर्न दिएको आदेश कार्यान्वयन नहुँदा बचतकर्ता निराश छन् ।
