काठमाडौं । लाइसेन्स नै खारेज गरिदिने चेतावनी दिएपछि एनसेल आजिएटाले झन्डै तीन साताअघि घोषणा गरेको ८० प्रतिशत सेयर बिक्रीसम्बन्धी दस्ताबेजहरू नियामक नेपाल दूरसञ्चार प्राधिकरणमा बुझाएको छ ।
मलेसियन कम्पनी आजिआटासँग रहेको ८० प्रतिशत सेयर युकेको स्पेक्ट्रलाइट कम्पनीलाई बेच्ने सम्झौता भएपछि प्राधिकरणले एनसेललाई विवरण पेस गर्न पत्राचार गरेको थियो ।
प्राधिकरणले मंसिर १५ गते नै विवरण पेस गर्न भन्दै पत्रचार गरेको थियो, तर एनसेलले अटेर गरेपछि मंसिर २५ मा पुनः पत्रचार गरेको थियो । प्राधिकरणले तत्काल विवरण पेस नगरे अनुमतिपत्र नै खारेज गरिदिने चेतावनी दिएपछि हिजो (बुधबार) खरिद सम्झौतापत्र पेस गरेको हो ।
प्राधिकरणका प्रवक्ता सन्तोष पौडेलले प्राप्त पत्रबारे अध्ययन भइरहेको बताएका छन् । सेयर खरिद-बिक्री घोषणा गरेको तीन सातापछि एनसेलले नेपाल सरकार र नियामकलाई औपचारिक जानकारी गराएको हो ।
एनसेलको नेपालगन्ज क्षेत्रीय कार्यालयमा क्रान्तिकारी विद्यार्थीको प्रदर्शन
