बाँके । नेपालगन्जस्थित एनसेलको क्षेत्रीय कार्यालयमा क्रान्तिकारी कम्युनिस्ट पार्टी (वैद्य) समर्थक विद्यार्थीहरुले विरोध प्रदर्शन गरेका छन् ।
विद्यार्थीहरुले राजस्व छलीको विरोध गर्दै एनसेलको कार्यालयमा कालो झन्डासहितको ब्यानर टाँगेका छन् ।
उनीहरूले सरकारको मिलेमतोमा राजस्व तथा कर छली गरेको आरोप लगाएका छन् ।
विद्यार्थीहरुले एनसेललाई राष्ट्रियकरण गर्नु पर्ने, कर छलीमाथि छानबिन गरिनु पर्ने, छानबिनका लागि नागरिक स्तरीय आयोग गठन गरिनु पर्ने माग राखेका छन् ।
