काठमाडौं । नेपाली बजारमा आज सुनको मूल्य ६ सय रुपैयाँ घटेको छ ।
नेपाल सुनचाँदी व्यवसायी महासंघकाअनुसार आज छापावाल सुन प्रतितोला एक लाख ९ हजार २ सय रुपैयाँमा कारोबार भइरहेको छ । गत साताको कारोबारको अन्तिम दिन शुक्रबार छापावाल सुनको मूल्य तोलामा एक लाख ९ हजार ८ सय रुपैयाँ तोकिएको थियो ।
यस्तै, तेजाबी सुन प्रतितोला एक लाख ८ हजार ७ सय रुपैयाँमा कारोबार भइरहेको महासंघले जनाएको छ । गत शुक्रबार तेजाबी सुनको मूल्य एक लाख ९ हजार ३ सय रुपैयाँ कायम गरिएको थियो ।
आज चाँदीको मूल्य भने बढेको छ । चाँदीको मूल्य प्रतितोला एक हजार ३७० रुपैयाँ तोकिएको छ । शुक्रबार एक हजार ३६० रुपैयाँमा किनबेच भएको थियो ।
